Etxeko bi herri kirolari, Julen Alberdi 'Txikia IV.a' eta Jon Unanue 'Goenatxo III.a' plazaratuko dira datorren zapatuan, Gurea pilotalekura; aizkolarien eta harri-jasotzaileen txapelketak jokatu dira Azkoitian. Hasteko, Eusko Label Sariari dagokion gizonezkoen Urrezko Binakako Aizkolari Txapelketa jokatuko da. Julen Alberdi 'Txikia IV.-a' Aitzol Atutxarekin batera lehiatuko da, Mikel Larrañagaren eta Eneko Otañoren aurka. Lau izakeratan, 26 enbor moztu beharko dituzte aizkolariek.
Julen Alberdi ‘Txikia IV.a’
Ondoren, Viña Laguardia Sariko 2 Harria Harri-jasotze Txapelketaren txanda izango da. Jon Unanue 'Goenatxo III.a' herriko harri-jasotzailea 175 kiloko laukizuzenarekin eta 150 kiloko kubikoarekin arituko da. Jaialdia emakumeen Urrezko Banakako Aizkolari Txapelketak amaituko da. Nerea Sorondo eta Itxaso Onsalo lehiatuko dira, hiru enbor nork lehenago moztu. Euskal Telebistak jaialdia grabatuko du, eta igandean, urtarrilak 13, eskainiko du ETB1en.