«Gaur egun dauden oztopo arkitektonikoak kentzea da helburua eta errepidearen eta espaloien arteko kotak berdintzea Balda kaleko 14 eta 19 zenbakien artean», azaldu dute Udaletik. Orain eskailerak daude igogailua eta errepidea lotzen dituen pasagunean. Eskailerak desagertuko dira eta arranpa jarriko da.
Aurrekontua 70.000 eurokoa da. Obrek irauten duten bitartean Madinabeitia Plazako igogailuak martxan jarraituko du. Momentu puntualetan soilik etengo da zerbitzua. Alabaina, alboetako eskailerak itxita egongo dira. Ondorioz, bizilagunek bi aukera izango dituzte: igogailua erabili edo Nemesio Otaño kaletik sartu. Halaber, ibilgailuentzat Balda kalea itxita egongo da 15 eta 22 zenbakien artean.