maxixatzen.eus

Igor Zubeldia besoetan hartu du Realaren Oñatiko laguntaldeak

  Kirola  Azkoitia

Igor Zubeldia (Azkoitia, 1997) Realeko futbol jokalari azkoitiarra Oñatiko Txantxiku Txuriurdinak laguntaldearen besoetan hartu zuten, atzo, Oñatiko gaztelekuan.

Igor Zubeldia besoetan hartu du Realaren Oñatiko laguntaldeak
Igor Zubeldia omenaldiaren unean. (Argazkiak: Real Sociedad eta Aratz Losada) | Ikusi handiago | Argazki originala

 

Zubeldia etxekoek eta Realeko ordezkariek lagunduta joan zen Oñatiko omenaldira. Xebastian Lizasoren bertsoak, Oñatiko dantzarien aurreskua eta laguntaldeko lehendakariak emandako txapela jaso zituen azkoitiarrak. Amaieran, Oñatiko gaztetxoen eta zaleen berotasuna jaso zuen Zubeldiak.

Oñatiko Txantxiku Txuriurdinak laguntaldearen besoetako jokalaria Iñigo Martinez jokalari ondarrutarra zen aurrez, baina bizkaitarrak Reala utzi ostean Oñatiko Realaren laguntaldeak Igor Zubeldia izendatu du orain bere besoetako jokalari kuttuna.

21 urtez azpiko Espainiako selekzioarekin

Igor Zubeldia, gainera, 21 urtez azpiko Espainiako selekzioak deitu du. Luis de la Fuente hautatzaile espainiarrak 23 jokalarirekin osatu duen zerrendan da azkoitiarra. Logroñon (Espainia) Danimarkaren aurka jokatuko du Zubeldiak azaroaren 14ean, eta azaroaren 19an Caen hirian (Frantzia) jokatuko du Frantziaren aurka.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa