maxixatzen.eus

Gaur hasiko gara banatzen urriko Maxixatzen aldizkaria

  Euskara  Azkoitia

Gaur hasiko gara banatzen urriko Maxixatzen: 380. aldizkariaren azaleko protagonista Ainara Sarasketa Batukada Feministako kidea da. Hondarribia Berdintasunaren Hiria 2018 Saria jaso berri du azkoitiarrak Jaizkibel Konpainiaren eskutik. Horrez gain, zabor bilketaren azken datuen azterketa egin du Maxixatzenek hainbat alde jorratuz. 

 

Halaber, Azkoitiko erreken eta ibaien egoera zein zen azaldu digu Gorka Alberdik. Azkoitia izenaren jatorriarekin izandako ezbaiak ere azaldu ditu Kepa Alberdik bere artikuluan. Unai Izagirre, bestalde, Argentinan izan da eta hango esperientzia nolakoa izan den azaldu dio Maxixatzeni. 

Iraila argazkietan jaso dugu, Julen Iturbe Erniarraitzeko kideak errefuxiatuen inguruko bertsoa egin du eta Ione Agirregomezkorta Ortozik podologia zentroko kideak hainbat aholku eman ditu. Hileko argazkia, iritziak, Komunitatien leixue, jolasak, urriko agenda eta beste hamaika kontu jakiteko aukera ere izango da ale berriarekin.

Proiektua sendotzeko lanean jarraituko dugu. Datozen aldizkariak etxean jaso nahi dituzu? Egin zaitez bazkide!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa