Arratsaldeko eta gaueko egitaraua
17:30ean, herriko plazan, 'Txiki Chef' tailerrak egingo dituzte. Txosnagunean ere umeentzako tailerrak egingo dituzte ordu berean. 18:00etan, Elkargunean, dantzari bikote gazteen txapelketa izango da. Euriagatik lekualdatu dute Balda Plazatik Elkargunera. 19:30ean, Torre Zuri erakustokian, 'Inazio Iriarte XXXVII. Margo Lehiaketa'-ren sari banaketa egingo dute. 21:30ean txosnagunean, afari beganoa egingo dute. 22:00etan, Balda Plazan, Mirari, Aintzane eta Lutxurdixo trikitilarien erromeria izango da. 22:00etan, Gureako probalekuan, 10. DIVA - SAT Idi dema sariko lehen idi dema jokatuko da. 23:00etan, azkenik, Balda plazan suzko zezena aterako dute. Ondoren erromeriak jarraituko du.