Renndo Elkartu afrikar jaia ospatuko da herrian, abuztuaren 11n

Renndo Elkartu afrikar jaia ospatuko da herrian, abuztuaren 11n

Abuztuaren 11an, zapatua, Renndo Elkartu afrikar jaia ospatuko da, herriko plazan, Fulbe Pulaar Elkarteak eta Udalak elkarlanean antolatuta. 10:00etatik 20:00etara bitarteko jaia antolatu dute. Afrikako musika, dantza, gastronomia ezagutu eta Afrikako herritarrekin harremana egiteko aukera izango da herrian.

 

10:00etan, herriko plaza eta bazkaria prestatzen hasiko dira. 11:00etan, berriz, jaia aurkeztuko dute poesia emanaldi batek lagunduta. Eguerdian, 12:00etan, lau eta zazpi urte bitarteko haurrentzako jokoak eta jolasak egingo dituzte. 14:00etan, aurrez izena emandakoek bazkaria egingo dute. Bazkarirako izena emateko epea abuztuaren 7an itxiko da. Hprretarako 602 364 041 telefono zenbakia zabaldu dute edota fulbeazkoitia@gmail.com helbide elektronikora idatzi beharko da. Plazak mugatuak izango direla jakinarazi dute.

Festak arratsaldean izango du jarraipena, izan ere, 17:00etan, 'Bostetako tea' eskainiko dute nahi duten guztientzat. Segidan, afrikar jantzien erakusketa egingo dute. 18:00etan, afrikar dantzek eta danborrek alaituko dute herriko plaza 20:00etara arte, orduan amaituko baita festa.