Kadete mailan Mikel Aranbarrik eta Joritz Astigarragak jokatu zuten, eta 22 eta 16 gailendu ziren gazteenak. Gazte mailan, Jon Oteizak eta Jagoba Urangak ordezkatu zuten Azkoitia, eta 22 eta 8ko emaitzarekin ziurtatu zuten Azkoitiaren presentzia final laurdenetan. Alex Juaristik eta Julen Oñederrak jokatu zuten kanporaketako azken partida, eta 22 eta 19 nagusitu ziren. Hernani-Altzo kanporaketako irabazlearen aurka aritu beharko dute azkoitiarrek datozen bi asteburuetan. Altzon jokatutako joaneko partidan bat eta bi nagusitu zen Hernani.
Gomazko paletako partidak, arratsaldean
Gomazko paletan, berriz, final laurdenetako partidak jokatuko dituzte azkoitiarrek. 16:30ean hasiko da kanporaketa, Hernaniren aurka. Amasa-Billabonaren aurka jokatutako partida guztiak irabazi zituzten azkoitiarrek.