11:00etan bota zuten festei hasiera emateko txupinazoa, eta ondoren auzoan hildakoen aldeko meza ospatu zen Martirietako ermitan. Meza amaitu bezain laster, auzoko elkartean hamaiketakoa eskaini zuten, trikitilariek lagunduta. Bazkal aurretik umeentzako puzgarriak eta Zelai-Luzeko zezenak plazaratu zituzten. Bazkaltzeko paella prestatu zuten auzotarrek, eta elkartea goraino bete zen. Gainera, bazkalostean, trikitilariek alaitu zuten elkartea. Antolatzaileak gustora gelditu dira jendearen erantzunarekin.