maxixatzen.eus

Bizikleta denda batean lapurreta egin dute bart

  Gizartea  Azkoitia

Goizean goiz bizilagun batek Ertzaintzari deitu dio Trino de Uria kaleko bizikleta denda bateko erakusleihoa hautsita zegoela esanez. Ordea, Ertzaintza eta dendako jabea bertaratu direnerako, lapurrak ihes eginda zeuden.

 

Antza, goizeko 04:30ak inguruan izan da lapurreta, eta hiru bizikleta elektriko eta bestelako materiala lapurtu dituzte. Guztira, gutxienez, 7.000 euroko galera izan daitekeela uste dute dendako arduradunek. Dendako alarma jarrita zuten arren ez du jo lapurreta gertatu den unean; Ertzaintza gertatutakoa ikertzen ari da.

Dendako arduradunak herritarrei ohartarazi nahi izan die horrelako lapurretetatik datozela askotan Interneten aurkitzen dituzten bizikleten prezio merkeak: «Mauka horien atzean askotan zer dagoen ikustarazi nahi diet herritarrei», azaldu du bizikleta dendako arduradunak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa