maxixatzen.eus

Udalaren Osoko Bilkuran parte ez hartzea erabaki du EH Bilduk

  Politika  Azkoitia

Gaur arratsaldean 19:00etan izango den ez-ohiko Udalaren Osoko Bilkuran parte ez hartzea erabaki du EH Bildu koalizioak. Besteak beste, «udal gobernuaren aurreikuspen faltagatik» eta Udaleko arduradunek ipintzen dizkieten «oztopo eta zailtasunengatik» hartu dute erabaki hori. Jarraian EH Bilduren oharra:

 

«Azkoitiko EH Bilduko zinegotziok, martxoaren 22ko ez-ohiko Udalaren Osoko Bilkuran parte ez hartzea erabakia dute.

Azkoitiko udal gobernuaren aurreikuspen falta, gehiengo absolutuaren atzean eserita, beraien erosotasunera begira bakarrik, komeni zaien aldaketak proposatzen dituzte. Martxoaren 14ean korrika eta presaka erabaki zuten hilabete honetako egitura guztia beraien beharren arabera aldatzea. Tamalez, erabaki horiek ekartzen dituzten ondorioak kontuan hartu gabe.

Gobernantza eredu horrek udaleko beste ordezkariei zailtasunak jartzea baino ez du lortzen.

Aldaketa horiek ez ezik, orain dela ordu batzuk oraindik dokumentazio guztia jaso gabe geunden, horrek gaiak aztertzeko ekartzen dituen zailtasun eta ezintasunarekin.

Udal honetako arduradunek, beste alderdioi ipintzen dizkiguten oztopo eta zailtasunak ikusita, gaurko osoko bilkuran parte ez hartzea erabaki dugu.

Jarrera hori aldatu ezean, hemendik aurrera gure udal jarduera nolakoa izan behar duen aztertuko dugu».

Erantzunak

Erantzuna | #1

Azkoitiko Udalak 2016-2019 legealdirako abiatu duen Gobernantza eta Zuzentasun Instituzionalaren Plana aurkeztu du gaur goizean. Udalak Globernance-Gobernantza Demokratikoaren Institutuarekin laguntza du herritarrek hautatu dituzten kargu publikoak gobernantza onaren irizpideen pean gauzatu ahal izateko.
Javier Zubizarreta alkateak eta Globernancen idazkari eta UPV/EHUko katedraduna den Juanjo Álvarezek elkarrekin eman dute ezagutzera lan plangintza, mahaikide zituztela Nekane Larrañaga zinegotzia eta Globernancen partaidetzan aditu den Mikel Cabello. Plangintzaren helburua da Azkoitirako gobernantza onaren sistema eraikitzea "zerbitzu publikoen –esan du Zubizarretak- kudeaketa eraginkorra gauzatuz,
2016/04/19, ASTEARTEA
http://azkoitia.eus/eu/berriak/3134-udalak-gobe...

Zerbait galdu dut???

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa