Gaur arratsaldean hasiko dira ekitaldiak. Bizkargi Musika Eskolako trikitilariek, kalejira egingo dute herrian zehar. Soinu joleek eta pandero joleek 17:30etatik aurrera astinduko dituzte euren instrumentuak. Behin kalejira amaituta, 18:30ean Elkargunean, Santa Zeziliaren omenez, Musika Eskolako kideek jaialdia egingo dute. Gaurko egunarekin amaitzeko, gau partean, Zurt Tabernan Hartz eta Nomadak taldeek kontzertua eskainiko dute. 23:00etan hasiko da lehen kontzertua.
Zapatuan ere izango da ekintzarik. 12:00etan, herriko musika bandak Santa Zeziliaren omenezko kalejira egingo du. 20:00etan, berriz, Faemino y Cansado bikoteak antzerki ikuskizuna emango du Baztartxo antzokian. 'Quien tuvo, retuvo' emanaldia eskainiko du bikote madrildarrak.
Egunarekin, eta asteburuko emanaldiekin amaitzeko, 23:00etan, Su Ta Gar talde eibartarrak 2016. urtean aurkeztutako 'Maitasunari pasioa' aurkeztuko du herriko plazan.
