Kontzertua entzuteaz gain, nekazarien eguneroko jarduna bertatik-bertara ezagutu eta mahaiaren bueltan bazkaria egiteko gonbitea luzatu dute antolatzaileek.
Saio bakoitzerako salneurria, etxaldeko bisita, kontzertua eta bazkaria barne hartzen duena, 20 eurokoa da (gaztetxoena 12 eurokoa) eta izena emateko baserrikouzta@gmail.com helbidera idatzi behar da, tokia mugatua baita.
Baserriko Uzta ekimena ez da baserrietan kontzertuak eskaintzera mugatuko. Hitzordua goizeko 10:30erako jarriko da, etxaldea bisitatu eta nekazarien egunerokoa, ogibidea eta ekoizten dituzten elikagaiak gertutik ezagutzeko. Maxixatzenek joan den ekainean ezagutu zuen Jose Ramon Arrieta eta Josebe Blanco artzainen etxaldea.
