«Lehenik eta behin Floreagako Solidaritate Taldeak eskerrak eman nahi dizkizue Gazteak eta Garapena taldearen ekintzetan ematen duzuen laguntza handiarengatik», azaldu du Juan Inazio Sudupe arduradun nagusiak.
Pintxoen eta bigarren eskuko dendako salmentan lortzen den diru guztia Beningo Cotonou eta Porto Novoko kaleko umeen alde Salestarrek dituzten proiektuei bidaliko dute. Hori horrela, etxean prestatutako pintxo, tortila, bizkotxo, postre eta antzekoak Kontzejupera eramateko deia egin diete herritarrei, 09:30etatik 10:30etara bitartean. Azkoitiko elkarteei, harategiei, okindegiei eta tabernariei ere egin diete eskaria. Bigarren Eskuko Denda ere jarriko dute, eta gauzak Floreagara eraman daitezkeela adierazi dute taldetik.