"Aste honetan, Azkoiti-Azpeitiko hainbat neska adin txikikok mezu mehatxagarriak jaso dituzte sare sozialetan. Anonimotasunaren atzean ezkutaturik beldurra sortzeko eta neska hauen askatasuna mugatzeko helburuarekin bidalitako mezuak izan dira. Gainera, mezu hauek publiko egin ez ditzaten mehatxatuak izan dira. Gertakari larri hauen aurrean salatzera ausartu direnak, ertzaintzan salaketa jartzeaz gain, hainbat eragilerekin harremanetan jarri dira.
Tamalez, gaur egungo jendarte matxista honetan, egoera hauek ohikoak dira. Gauz hauei merezi duten garrantzia eman behar zaie, eta honelako kasuren bat ezagutuz gero salatzera animatu nahi zaitugu.
Jazartzailea ez da soilik mezua bidaltzen duena, baita mezuaren jakitun izan eta honen kontra ezer egiten ez duen oro ere. Onartezina dena ezin da onartu!"