Establezimendu horietan urtebetean banatuko dituzte poltsa konpostagarriak doan, eta erakusleihoan pegatina borobil bat izango dute, poltsak bertan banatzen direla adierazteko.
Komertzio horietan aldiko poltsa konpostagarrien biribilki/rollo bat jaso dezake doan (40 poltsa) eta etxeko helbidea eman beharko da kontrol neurri gisa. Urtean gehienez 12 biribilki/rollo jaso ditzake familia edo etxe bakoitzak. Gogoratu nahi dugu banatuko diren poltsa konpostagarriak janari ondarrak botatzeko soilik erabili behar direla, ez beste hondakinak botatzeko.
Aldaketaren helburua da herritarrei poltsak jasotzeko modua hurbildu eta erraztea. Poltsa konpostagarriak jasotzeko aukera auzo desberdinetara zabalduko dute. Beraz, herritarrek erraztasun handiago izango dute poltsak eskuratzeko komertzioen ordutegi zabalagoa baitute.
Baliabide gehiago eman nahi izan dizkie herritarrei hondakinak jatorrian bereizteko, are eta hondakin organiko gehiago biltzeko gaika, alegia. Sortzaile handiek aldiz, neurri handiko poltsa konpostagarriak orain arte bezala herritarrei banatuko zaizkien komertzio berdinetan.
Urola Erdiko Mankomunitatetik eskerrak eman nahi dizkie hondakinak modu egokian sailkatzeko ahalegina egiten duten herritarrei.
