Establezimenduek aukera izango dute diru eskaera egiteko errotulua, irudi korporatiboa edo webgunea euskaratuz gero. Gainera, programa informatikoak euskaratzeagatik ere jaso daiteke diru laguntza, besteak beste.
Diru laguntzen inguruko berri zuzena jasotzeko, Udalak uda aurretik diptikoak banatu zituen establezimendu guztietan. Banaketa bera jarraipena egiteko aprobetxatu zen, esaterako, merkatariek lehenengo hitza zein hizkuntzatan egiten duten jasotzeko informazio gisa.
Sare sozialak
Diru laguntzez gain, merkatariek sare sozialen erabileraren inguruko ikastaroa eskatu zieten Udalari, adibidez, Facebook salmentak areagotzeko nola erabili erakutsiko zieten ikastaro bat, alegia. Oraindik xehetasunak erabat lotu gabe dauden arren, udazkenean merkatariek aukera izango dute sare sozialetan duten abilezia areagotzeko.