INDEPENDENTZIA OSTEKO EGUNA
Bildu gara bizilagunok
Etxepeko bebarruan
Eta bada ageri ez dena
Independentzia osteko egunean.
Adina buru uste gara.
Adina kredo eta arraza
Familia handituz doa.
Horixe globalizazioa.
Gure aitaren etxeak
Ezer ez zioen horretaz.
Zer egingo dugu, esan,
Orain jabeak garela?!
Etxea konpondu ala bota
Saldu ala zaharberritu?!
Eta esanak esan
Batzuk beti kontra,
Batzuk beti gezur,
Eta beste batzuk beldur,
Ez baitakite zer egin
Askatasunarekin.
Aitzakiak amaituta,
Iritsi zaigu eguna:
Batzuon ametsa egia bihurtu
Besteen amesgaiztoa burutu,
Prest denok geroa sinatzeko
Prest denok libre bizi izateko.
Eta beti bezala bileran
Erdaraz aritzeko.
Juan Karlos Merino; 2016.