Herritarren informazio erreferentzia gune izatea da gure helburua, eta bide horretan goaz.
Datu hauek jakinda, urte amaierarako jarritako aurreikuspenak jada gainditu ditugu.
Herriko informazioa euskaraz zabaltzea eta azkoitiarron erreferentzia izatea da gure helburua; kultur, gizarte, kirol eta politika alorreko informazioa landu dugu azken bi hilabeteotan, herritik herritarrentzat sortutako informazioa.
Kolaboratzaile ugari ekarri ditugu gurera, eta euren iritzi eta ekarpenekin gure plaza anitzeko kide bilakatu dira. Herriko talde asko dira gure komunitateko partaide, eta askoz gehiago izatea da erronka. Herriko gaien inguruan eztabaidatzeko plaza ere bagara, eta bide hori ere ari gara jorratzen.
Eskerrik asko gugan konfiantza jarri duzuen erabiltzaileoi. Bidea hasi baino ez dugu egin. Herriko informazioa euskaraz zabaltzen jarraituko dugu.