Pako Aristi idazle urrestildarraren Urari ostutako poemak liburua aurkeztuko dute gaur Donostiako Udal liburutegian 11:00etan, eta bihar errezitaldia emango du Donostiako Garoa liburu dendan 19:00etan.
Susak argitaratutako poemarioan, biluzik barneratu da egilea uretan, burutik oinetaraino busti, blaitu eta atzera berriz lehorrera itzultzeko, sentimenduak, gogoetak, emozioak, bereak bezain unibertsalak, orri zuriaren argitan dotoreziaz xukatzeko.