Ozen entzun ziren aldarri feministak Urola Kosta eskualdeko kaleetan Emakumeen Nazioarteko Egunean. Mobilizazioak, protestak eta askotariko ekintzak antolatu zituzten atzo udalek, mugimendu feministek eta Itaiak.

Azken urteetan Azpeitiko Emakumeen Txokoko teknikaria da Ione de la Cruz azkoitiarra, eta emakumeak ahalduntzeko zein gizonen eta emakumeen arteko berdintasuna sustatzeko lan egiten du. Gune horretako zerbitzuek asko eman diote azkoitiarrari: "Emakume bakoitza mundu bat garela ikasi dut".