Txantxiku Saria, Gipuzkoako Open Saria eta Gipuzkoako Udako XII. Saria jokatuko dituzte asteburuan Zubiaurreko igerilariek

Erabiltzailearen aurpegia Zubiaurre Igeri Elkartea 2022ko mai. 31a, 09:04

Taldeko gazteenek XXXIII. Txantxiku Saria dute Oñatin (Gipuzkoa), eta ifantil-junior-absolutu mailakoek Gipuzkoako Udako XII. Saria jokatuko dute, larunbatean, Andoainen (Gipuzkoa), eta V. Gipuzkoako Open Saria, larunbatean eta igandean, Donostian.

Ikasturte amaiera ate-joka dugu, eta, ohi bezala, ekaineko lehen asteburua igeriketa jardunaldiz beteta dator. Zubiaurre igeriketa klubak hiru hitzordu izango ditu:

  • XXXIII. Txantxiku Saria dute, Oñatin, larunbatean (ekainak 4): 15:30ean hasiko da lehiaketa Zubikoa kiroldegian, eta igerilariek 14:30erako bertan egon beharko dute. Ez da ikuslerik egongo harmailetan. Ikusi serieak hemen.
  • Gipuzkoako Udako XII. Saria, Andoainen, larunbatean (ekainak 4): 15:30ean hasiko da lehiaketa Allurralde kiroldegian, eta igerilariek 14:30erako bertan egon beharko dute. Zubiaurreko igerilariei 15:00etatik 15:25erako tartea egokitu zaie beroketak egiteko. Ikusi serieak hemen.
  • V. Gipuzkoako Open Saria, Donostian, larunbatean eta igandean (ekainak 4 eta 5):  09:30ean hasiko da goizeko saioa, eta 16:30ean arratsaldekoa, Pako Yoldi kiroldegian. Igerilariek 08:30erako egon beharko dute han, beroketei ekiteko. Ikusi serieak hemen.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide