Doinua: 'Ikusten duzu goizean'
Gaia: Korrika 2019
Bi urtean behingo zita
lekukoari eutsita
ez al da gauza polita
Herri osoa eskutik helduz
gure hizkuntzari deika
ez dezan galdu logika
egin ezazue klika
hemen da eta korrika.
Lekukoarekin ozen
guztiok atzetik zuzen
bide beretik goazen
Urte luzetan hau bezalako
ekintzak egin daitezen
gaur hasi dena Garesen
buka ez dadin Gasteizen
euskaraz bizi gaitezen.