Logoa

Kartzelatik tabernara

Erabiltzailearen aurpegia   Iritzia

Sexua askatasunez eta norberak nahi duen aldaeretan bizi ahal izatea gizarte modernoaren lorpena da. Aurtengo sanferminetan ere bat baino gehiago izango dira sexuaz gozatzeko borondatez joango direnak, eta ez denak neska bat-mutil bat formatuan.

Dar-dar

Erabiltzailearen aurpegia   Iritzia

geu gaizki gaudenean beste norbait egoera bertsuan ikustean sentitzen duguna ez da enpatia, izua baizik, eta gehiagoren mina nekez gertatuko zaigu kontsolagarri, elkarri hats eman ezean. Umetan ikusitako marrazki bikoitz bat burmuinetan itsatsita geratu zitzaidan. Irudi batean penaltia jaurti behar zuen futbolaria ageri zen.

Bertso-zipristinak

Erabiltzailearen aurpegia   Iritzia

Mikel Mendizabal bertsolaria omendu zuten atzo Euskal Herriko Eskolarteko Bertsolari Txapelketaren finalean. Berak jarri zion txapela aurtengo irabazleari, Gorka Pagonabarraga durangarrari.

Miseria gorena

Erabiltzailearen aurpegia   Iritzia

Benetan asaldagarria eta eskandalagarria iruditzen zait Nafarroan euskararen aurka egiten ari diren gurutzada. Atzo egin zuten manifestazio jendetsua hauspotzeko erabili dituzten arrazoibideak ezin dira gorrototik eta paranoiatik baizik ulertu. Esate baterako: “Si sabes castellano e inglés, estás bien preparado. Si además sabes alemán, mucho mejor preparado. Si además dominas el chino, tu currículum es muy bueno. Pero si sabes euskara, estás discriminando al resto.” Bistan denez, ezin dute jasan euskarak inolako abantailarik ematea Nafarroako administrazio publikoan sartzeko. Burgoskoan balitz, tira!, baina Nafarroakoan! Eta beraiek inor baino nafarrago izateaz harro agertzen dira, horrekin nafarren zinezko izateari uko egiten ari ez balira bezala. Eta jarrera hauen hauspo-emaile nagusi, Diario de Navarra egunkaria.

Usainak

Erabiltzailearen aurpegia   Iritzia

Bost zentzumenetako bat galdu behar bagenu, gehien-gehienok usaimenari egingo genioke uko. Hori da behintzat nire susmoa. Beharbada ez dugu behar beste estimatzen, eta gehien gustatzen zaizkigun lurrinen galera beharko genuke dagokion balioa emateko.

Sekula ez da berantegi

Erabiltzailearen aurpegia   Iritzia

zenbakiak matematikaz haragoko zerbait dira, edo izan daitezke. Nik 13 urte nituela estreinatu zuten Companys, procés a Catalunya filma. Franco hil osteko efesbeszentzia betean, ikusmin handia piztu zuen Euskal Herrian. Are handiagoa Iraurgi bailaran, Luis Iriondo baitzen protagonista nagusi. Gu Azpeitian bizi ginen orduan, eta gogoan dut neurriz kanpoko ikusminez joan nintzela Soreasu antzokira, gurasoekin batera.

Suzko aldarrikapenak

Erabiltzailearen aurpegia   Iritzia

Norbere ikuspegi mugatuaz haragoko ezer ez da existitzen zenbaitentzat. Egunerokotasunaren begiak dira normaltasuna. Herrialde musulmanetatik etorritakoei integraziorako gaitasunik eza leporatzen diegu, ez baitira pintxo-potera animatzen. Aldiz, kaleko bizitza guk baino askoz landuagoa duten herrialdeetako bizilagunei, uruguaitarrei esate baterako, otorduak eta hitzaspertuak egiteko gure parke eta plazak eurentzat hartzea egozten zaie. Azkoitiko Oteitza frontoietako errebote-plazan kriketean aritzen diren pakistandarrei ere begi-zeharka begiratzen diegu. Hona etortzearekin batera eskuliburu bat eman behar genieke, gure ohituretara makur daitezen. Zer uste dute, ordea!

Askatasunerantz

Erabiltzailearen aurpegia   Iritzia

lagun batekin nindoan kalean. Hartaz eta huntaz, munta handirik gabeko gaiez solas arinean. Haren autora iritsi ginenean agurtu genuen elkar, joan beharra zuen eta. Disimuluan egin zuen, agian ez zen ohartu ere egin ikusi nuenik, baina bai, belaunak lurrean tinkatu, burua makurtu eta auto azpian begiratzen ikusi nuen. Eta nire gogoa zeharo ilundu zen, astundu, lohitu. Nire lagunak horrela ibili behar izateko zer egin zuen galdetuko diozu zeure buruari, edo zein lanbidetan aritzen zen. Izan zitekeen izuaren zerga ordain-tzeari uko egindako enpresaria, kazetaria, ertzaina, autobideko ordainlekuko behargina, zinegotzia, unibertsitateko irakaslea, koartelen bateko sukaldaria, sentipenei iragazkirik jarri gabeko artista, iritzi-emailea…

Arrese

Erabiltzailearen aurpegia   Iritzia

Agur, ta banoa,

ilundurik gogoa.

Ez dut helbururik,

ibiltzea besterik,

nekeen gainetik,

ametsaren azpitik.

Haizeak naroa,

ez naiz inon inongoa.

Oxalan

Erabiltzailearen aurpegia   Iritzia

Indarkeriaren erabilerari uko egin ondoren, armak desegitea etorri zen. Orain, azkenean, behin betiko desegiteko urratsa egingo du ETAk. Eragindako kaltearen aitortza testuinguru engainagarrian kokatzen du, eta besteen okerren baitan justifikatzen. Eta, halere, benetan pozgarria da azken pauso hau.