.jpg)
Ekitaldian parte hartu zuten Urola Ikastola Azkoitia-Azpeitia BHIko zuzendari den Alberto Izagirrek, ikastolako proiektu europarren koordinatzaileak, Rafa Stxez Muxikak, eta European School Net 2000 sarearen presidenteak, Jos van Eyk.
Herbeheretako, Espainiako, Finlandiako, Estoniako, Italiako, Ingalaterrako eta Euskal Herriko ikastetxeetako ordezkariak bildu ziren.
Javier Zubizarretak zoriondu egin zituen egiten ari diren lanagatik eta bide horretatik jarraitzera animatu ziituen. “Tamalez, -esan du- momentu honetan ezin da ukatu ondo prestatutako gazteek nahikoa lan badutela kalitatezko lana izaten. Baina kualifikatu gabeak merkatutik kanpo geratzen ari dira. Horregatik, zuek hezkuntza zentro bezala eta guk udal erakunde modura, gazteen aldeko apustu garbia egin behar dugu prestakuntzari begira. Ildo horretan, legealdi honetan dugun lehentasunetako bat da gazteei hizkuntzak ikasteko aukerak erraztea munduan zehar ibiltzeko trebezia izan dezaten”. Ingelesaren, esperientziaren eta elkarlanaren beharra azpimarratu du.
Hamazazpi ikastetxe
Holanda, Ingalaterra, Italia, Espainia, Alemania, Polonia, Estonia, Portugal, Rumania, Frantzia eta Finlandiako 17 ikastetxek osatzen dute sarea Euskal Herriko hiru zentrokin batera: Galdakaoko Eguzkibegi Ikastolak, Mondragon Unibertsitateko Humanitate eta Hezkuntza Zientzien Falkultateak eta Urola Ikastolak.
Urola Ikastolako Rafa Stxez Muxikaren hitzetan, proiektuaren helburu nagusia da ikasleak Europan ikasi eta lan egiteko trebatzea. “Horretarako elkartrukeak eta ikastetxeen arteko garapenerako proiektuak landu izan ditugu maila pribatuan zein programa europarren barruan. 2015-2018 bitarteko ikasturteetarako Erasmus plus proiektu bat daukagu eskuartean orain. Ekintzailetasuna eta “How it is to live, study and work in a foreign EU country” landuko ditugu”.
Proiektu hau ikasleekin garatzeko nondik norakoak finkatzeko eta Euro School Net 2000 sarearen urteko Batzar Orokorra egiteko bildu herenegun eta atzo Azkoitiko Intsausti jauregian Europatik etorritako irakasleak.
Iaz Maastrichen bildu ziren eta aurreko edizioan, Newporten.