Gu

Erabiltzailearen aurpegia   Iritzia

Behar adina puskatutako prakek agerian uzten dute ondo brontzeatutako azala. Kostaldean egindako ametsetako oporren erakusle fidela. Paradisua bera den irlako palmondo baten gerizpea, harea zuri fina eta ametsetako gosaria. Dena ondo enfokatuta, filtroek eguraldi grisa ondo eguzkitu dezaten. Orain bai, ahaztu aurretik, klik eta sarera. Zoriontsu gara.

Handienak

Erabiltzailearen aurpegia   Iritzia

Txalotu ditzagun handiak, entzuteko moduan eta harro plantan. Haiek egindako oro goraipatu eta haien izenak mundura zabaldu. Dantzan, baloiarekin, bizikletaz edo kamera aurrean, berdin dio horrek. Handiak dira, eta hori da hain miresgarri egiten dituena, beraien handitasun bat-bateko, perfektu eta iheskor horixe.