Soraluzeko (Gipuzkoa) Oktabia Gomezen erailketa salatzeko Emakumeen Mundu Martxak deitu duen ekimenarekin bat egiten du Azkoitiko Sostenipe talde feministak. Hori dela eta, gaur, asteartea, egingo dugun kazeroladan parte hartzeko deia egin nahi diegu Azkoitiko herritarrei.
Azkenengo astean hiru eraildako izan dira Euskal Herrian. Sistema patriarkalak beste behin bere aurpegirik latzena erakutsi du, eta ezinbestekoa da hau salatzea eta neurriak hartzea sistematikoa den indarkeria matxistarekin amaitzeko, bai ikusgarria denarekin eta bai ezkutukoarekin.
Gaur, asteartea, 21:00etan kazerolada egingo dugu Azkoitiko balkoi eta leihoetan sistemaren erailketak salatu, gertukoei eta familiari babesa erakutsi eta egun hauek etxean beren erasotzaileekin pasatuko dituzten emakume guztiek alboan gaituztela senti dezaten.
Salbuespen egoeran ere ezin gara isilik geratu! Indarkeria matxistarekin amaituko dugu!
Gora borroka feminista!
Soraluzeko erailketa matxista salatzeko, kazerolada leihoetatik eta balkoietatik
2020ko mar. 17a, 14:52
Gaur, asteartea, 21:00etan etxeko balkoietatik eta leihoetatik egingo den kazeroladan parte hartzeko dei egin nahi die herritarrei Sostenipek.
Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.
Izan zaitez Maxixatzeneko bazkide
Izan zaitez Maxixatzeneko bazkide