'K-baret' ikuskizunaren infernu urdinean erretzeko prest?

Purpurinadun oihal beltz eta gorriekin, eta zilar eta urre koloredun jantziekin ibili gara orain arte, baina olatu zoragarri batek harrapatu gaitu, eta gu ere marea urdinean murgildu gara.

Asteburuan, K-baret antzerki musikalaren bi emanaldi eskainiko ditu Bigoterik Gabea antzerki taldeak Marea Urdinaren alde, Baztartxo antzokian. Larunbateko eta igandeko ikuskizunak, biak, 12:00etan hasiko dira. Sarrerak Entradium plataforman eskuratu daitezke, 5 euroren truke.

Marea Urdinaren olatu anitzetan, konstantziarekin, indarrarekin, eskuzabaltasunarekin, pozarekin, babesarekin eta gogoarekin egingo dugu lan inklusioaren alde eta K-baret ikuskizuna ere aniztasun funtzionalaren itsasontzira igo da, olatuz olatzu, marea urdinarekin.

Gozatu K-baret ikuskizunaz eta izan zaitez urdin! #GuEreUrdin

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide