Logoa

Xamar. Etxera bidean.

Erabiltzailearen aurpegia   Iritzia

Batez ere XIX.mendetik aurrera hainbat eta hainbat euskaldunek egin duten kontrako bidea egina du Etxegoien Xamarrek, liburu honen egileak, hots, erdal etxetik euskal etxerako bidea, eta bide horren nondik norakoak azaltzen dizkigu liburu honetan; ez horratik, modu aseptikoan, baizik eta bere baitan bizi eta egositakoei luma zalu batek ematen dakien zinezkotasunez. Paseo batekin hasten da, eta paseo berarekin bururatzen, kontakizunari egitura zirkularra emanez.

Monzon eta Txillardegiren irakaspenak

Erabiltzailearen aurpegia   Iritzia

Monzonek bezala Txillardegik, naziogintzaren arloan, euskarazko kulturaren alde egindakoagatik (euskara batua, eleberriak, antzerkia, abestiak, prentsa-artikuluak) eta era berean politika aldetik, zazpi lurraldez osaturiko euskal errepublika independentearen alde egindakoagatik, irakaspen ederrak eman dizkigute, eta gure atxikimendua eta aitortza merezi dute.

1957an ezagutu zuten elkar aurrez aurre: Txillardegik kontatu zigunez, Telesforo Monzon eta Maria Josefa Ganuzaren Donibane Lohizuneko Mende Berri etxean. Eta 24 urtez, bien arteko adiskidetasuna erne, hozitu eta burutu zen, ardatz nagusi honen inguruan: zazpi lurraldez osaturiko euskal errepublika euskalduna ...

Ulertzen ez gaituztenean ulertuko gaituzte!

Erabiltzailearen aurpegia   Iritzia

Hala idatzi zuen Telesforo Monzonek F. Krutwigen Vasconia liburuari eginiko iruzkinean, Baionako Enbata astekarian («Ego-aize golpea...») argitaratutako artikuluan. Liburu-idazleari eskainitako zenbait laudoriorekin batean, eta gauza batzuetan bat ez zetorrela aditzera emanik, liburu haren egiazko hutsa honako hau iruditzen zitzaion: «Erderaz idatzia dugu, ori ere. Erderaz eta beti erderaz. Euskararen alde... erderaz. Betiko lelo bera. Argatik ez nuke ezarriko liburu ori 'dans la nouvelle vague'». Eta kritika horrek bide emanik, adierazi zuen izenburuan paratu dugun esaldia. Zer esan nahi du esaldi horrek?, bai baitu paradoxa kutsurik! Erantzun baino lehen, labur-zurrean Telesforo Monzonek euskarari ematen zion balioaz arituko naiz.

Ulertzen ez gaituztenean ulertuko gaituzte!

Erabiltzailearen aurpegia
Hala idatzi zuen Telesforo Monzonek F. Krutwigen Vasconia liburuari eginiko iruzkinean, Baionako Enbata astekarian («Ego-aize golpea...») argitaratutako artikuluan. Liburu-idazleari eskainitako zenbait laudoriorekin batean, eta gauza batzuetan bat ez zetorrela aditzera emanik, liburu haren egiazko hutsa honako hau iruditzen zitzaion: «Erderaz idatzia dugu, ori ere. Erderaz eta beti erderaz. Euskararen alde... erderaz. Betiko lelo bera. Argatik ez nuke ezarriko liburu ori 'dans la nouvelle vague'». Eta kritika horrek bide emanik, adierazi zuen izenburuan paratu dugun esaldia. Zer esan nahi du esaldi ...

Telesforo Monzonen barkamen eskaintza!

Erabiltzailearen aurpegia
Ez dut ezer berririk esango esaten badut barkamenaren edo eragindako minaren aitortza eta, oro har, motibazio politikoko giza eskubideen urraketekin zer egin, nola erreparatu eta bizikidetza harmoniotsura nola itzuli, boladan dagoen gaia dela gurean. 1936ko gerraondoan ere egon zen, eta gurean oso modu berezian tratatu zuen Telesforo Monzonek.

Jakina den bezala, Nafarroa Garaian, jendartean izua hedatu zuten hiltzaileak eta salatzaileak asko izan ziren, Mola jenerala eta Rodeznoko kondea buruzagi eta xaxatzaile nagusi zituztela, eta haien aginduetara falangistak eta errekete boluntarioak ...

'Independentzia helburu': independentistei egurra emanez!

Erabiltzailearen aurpegia
Liburuaren izenburuak dioen bezala, Euskal Herria independentziaren bidean jartzeko ideiak eman nahi dira, konfrontazio demokratikorako indar metaketan lagundu nahi da; eta bien bitartean zer-da-eta independentziaren alde dago(ke)en gizatalde bat egurtu egiten da, bereziki azkeneko artikuluan.

Katalunian, demagun, autonomi estatutuari emandako egurra, erabakitze eskubidearen ukazioa izan direla gertakaria, independentistak ugaritzeko humusa. Oraindik oraingo inkesta baten arabera, %15 dira katalan sentitzen direlako independentista, eta unionisten artean, %46 espainol sentitzen direlako. Arazoa %15 katalanista horiek dira —ANC eta Omnium Culturalekoak—, bi ...

Katalanen plebiszitua

Erabiltzailearen aurpegia
Beldurrak ala askatasun nahiak irabaziko du Katalunian I-27an? ETAren mehatxua antidemokratikoa zen eta ezin onartuzkoa; eta, mila aldiz armatuago dagoen Espainiako armadarena? Mehatxu horrek bere baitan hartzen dituen beste hainbat izen ahaztu gabe: legearen aurkakoa, Europan segitzearen aurkakoa, katalan ekonomiaren aurkakoa, eta mehatxu horretara biltzen diren ahots espainol guztiak: hasi PP-Ciutadans-etik, pasa PSOEtik eta Podemos alderdiraino, eta hedabide espainiarrak, eguneroko prentsa eta eguneroko irrati eta telebistak.

M. Aranburu politologoak kontatu digu berriki alderdikeriek zer eragin izan duten han, eta Catalunya ...

Txillardegi: ezkerreko abertzalea

Erabiltzailearen aurpegia
Txillardegiren alderdi politikoa behar bezala azpimarratu al da? Intelektual engaiatua eta guztiaren gainetik: abertzalea. Euskal Herria ez da Euskal Herri, baldin eta euskalduna ez bada; beraz, gerra —1512, 1789, 1833, 1872, 1936—, administrazio, irakaskuntza, eliza, eta ekonomiaren, eta hedabideen bitartez bere hizkuntza propioa gal, zabar, ordezkarazi dioten herri hau, lehenbizi, berreuskaldundu beharra dago, nahitaez, baina hori Euskadi —edo Nafarroa, hots, euskal estatu aske gisa ulerturik— askatu gabe guztiz ezinezko.

Sei hamarkadatan barrena (1950-2010), bere ikuspegi estrategikoa oso garbi adierazi du ...

Beltzak gu bezalakoak?

Erabiltzailearen aurpegia
Egunotan albiste ditugu AEBetako beltzak, eta hedaduraz mundu guztikoak. Egunkari honen webgunetik jaso dut hitzez hitz: «Saint Louis konderriko Ferguson hirian (Missouri, Ameriketako Estatu Batuak) Poliziak 18 urteko gazte beltz bat hil zuen tiroz abuztuan. Lekukoen arabera, Michael Brownek ez zuen armarik, eta bere burua entregatzera zihoala egin zion tiro Poliziak. Hiru hilabete geroago, epaileak erabaki du polizia ez inputatzea. Epaileak ebatzi du ez dagoela nahikoa frogarik Wilson polizia inputatzeko».

Telebistan Fergusoneko beltz bat ikusi dut haserre hitz hauek esaten ...

'Lasa eta Zabala' filmaren irakurketa bat

Erabiltzailearen aurpegia
Ez naiz zinema kritikari; ez dut aktoreen eta zuzendari-gidoigilearen lana epaituko, eszenen lortua edo hutsegiteak azpimarratuko, baizik eta filmak utzi didan arrastoa teklak joz bilakatu nahi dut arrasto sakonago, urteen joanak erabat ezaba ez diezadan. Memoria politiko gisa duen balioa ustiatu nahi nioke filmari, bereziki film politikoa baita, 12.000 orriko sumarioan oinarritua. Politikoa dela esanda, halere, ez dugu asko esaten, erabiliaren erabiliaz ondo maiztua baitugu izenondo hori.

Zergatik sartu ziren Lasa eta Zabala ETAn?, Iparraldera igaro aurretik zer ekintza ...