Oteiza Pilota Kirol Elkarteak Berria txapelketan parte hartuko du aurten. Gaur, ostirala, Iurretako (Bizkaia) Kepa Arroitajauregi pilotalekuan jokatuko dute Olaburu taldearen aurre-kanporaketa, 19:30etik aurrera. Herriartekoa Txapelketan bezala, kadete, jubenil eta nagusien mailako partidak jokatuko dituzte eskuz binaka.
Kadete mailan, Arregik eta Galarzak osatuko dute bikotea; jubenil mailan, Etxanizek eta Egañak, eta nagusien mailan, Oteizak eta Azkoitiak. Oteiza elkarteko pilotariek kanporaketa gainditzen badute, Naiarako (Errioxa) Najerino pilota elkartearen aurka aritu beharko dute apirilaren 23an.