Mikel Aranbarri Oteiza Pilota Kirol Elkarteko pilotari azkoitiarrak gazteen edo jubenilen lehen mailako Udaberri Txapelketako binakako txapelketa irabazi du Idiazabalgo Iker Garciarekin batera.
22 eta 8 menderatu dituzte Azkoitiko Gurea pilotalekuan Beasaingo Murumendi pilota elkarteko pilotariak. Aranbarrik Tolosako pilota elkartean utzita jokatu du txapelketa, Oteiza Pilota Kirol Elkarteak eta Tolosako pilota elkarteak lortutako adostasunaren baitan.