Egia esateko
ulerkorra izaten
saiatu naiz;
zure lekuan
jartzen saiatu naiz,
etengabe zuritu zaitut,
etengabe babestu zaitut,
baina,
oraingoan ezin dut.
Ezin dut
zure jarrera ulertu.
Zer gertatzen zaizu?
Zer lortu nahi duzu?
Jarri nire lekuan.
Horixe eskatzen dizut:
instant batean bada ere,
jarri nire lekuan.
Nik zu bezala
jokatuko banu,
zer pentsatuko zenuke?
Zer sentituko zenuke?