Aitaren zain egon gabe
oinez jarraitzea erabaki
eta galdu egin da.
Berarentzat amaigabea izan den
minutu bakarrean
Oihan ñiñia
oihanean galduta sentitu da.
Bere oihuei esker
aitak segituan aurkitu du,
egia esan,
begien aurrean izan du une oro.
Begiak ñirñirka,
zazpi urteko mutikoak
hauxe aitortu dio aitari:
"Sekula ez naiz zure ondotik urrunduko".
Aitak hauxe erantzun:
"Ederki seme,
ea hogei urterekin ere
berdina pentsatzen jarraitzen duzun.
Poztuko nintzateke".