Hain ume txikiek
hain egia handiak
esaten dituztela jabeturik,
harrituta geratu naiz.
Ni eurei
zerbait erakusteko
asmoarekin joan
eta eurek niri
inoiz ahaztuko ez dudan
irakasgaia eman.
Txiki-txikia sentitu naiz.
Euren txikitasunean
zenbat gauza erakusteko
gai diren jabeturik,
alai sentitu naiz.
Nire barruko ume txikia
kanpora ateratzeko lotsa
gainetik kendu
eta handi-handia sentitu naiz;
zerbait desberdina
ikasteko gai den
ikasle fina,
zerbait desberdina
erakusteko gai den
ikasle fina.