Zure aitarekin berrogei urte
ezkonduta daramatzadan arren,
sekula ez naiz
maiteminduta egon.
Halere, urte guzti hauetan zehar,
bera maitatzen ikasi dut.
Egunerokotasunak harremana finkatu
eta elkarren ondoan
jarraitu dugu.
Badakit, alaba,
zuretzat ez dela erraza
gure bizitzeko
modu hau ulertzea,
zu guztiz maiteminduta zauden
une honetan are zailagoa,
baina ez naiz damutzen.
Zure aita eta biok
elkarri lagunduz
egin dugu aurrera beti,
erabateko errespetua diogu elkarri,
eta askotan,
jarrera hauek
garrantzitsuagoak izan litezke,
maitemina bera baino.
Orain nire iritziaren berri badakizunez,
zeuk erabaki zer egin behar duzun,
maiteminduta zauden horrekin jarraitu
ala bizitza egonkorra eskaintzen dizun horri heldu,
zeuk erabaki.
Maite Arrate