Ni han nengoen,
baina ez dute kontatu
nik ikusitakoa.
Oraingoan ere badirudi
bakoitzaren ikuspegiaren arabera
kontatu direla gauzak.
Ikusmolde desberdinen aurrean
aurkitzen gara berriro ere.
Istripua berdina izan da guztiontzat.
Ehundaka lagun hil dira.
Hilabeteak igaro diren arren,
dardarka jarraitzen dut.
Zauri txiki batzuk besterik
ez nituen izan,
baina pentsamenduek
eragiten dizkidaten zauriak
gero eta handiagoak dira.
Albistegietan istripuaren berri
ematen dutenean,
harrituta geratzen naiz.
Askotan beste istripu bati buruz
ari direla pentsatzen dut,
ez baitauka zerikusirik
han gertatu zenarekin,
ematen duten informazioa
ez da erreala.
Ni han nengoen,
baina kontatzen dutena
ez da nik bizitakoa.
Maite Arrate