Badakit atzamarrean
daramazun eraztuna
oso garestia dela,
baliotsua benetan.
Horregatik daramazu
denek ikusteko moduan.
Baina aurreko astean,
denei erakusteko grina horrekin,
atzamarretik kendu
eta tabernako mahai gainean
ahaztuta utzi zenuenean,
galdera bat bururatu zitzaidan:
Garrantzitsua ote da?
Baliotsua bai,
baina garrantzitsua?
Baliotsua izanagatik,
zuretzat batere garrantzirik
ez duen eraztuna
nabarmentzen al duzu horrela?
Nik baliotsua ez den,
baina oso garrantzitsua den eraztuna
daramat nirean,
baliorik baliotsuena.
Balio desberdinen jabe gara nonbait!!!
Maite Arrate