Isiltasuna :
Hotsik edo soinurik eza.
Isiltasuna urrea da.
Gaur egun
nekez lortzen den
altxor preziatua da.
Jendeak ez daki
isilik egoten,
isiluneak gogaikarriak
suertatzen zaizkio,
arreta deitzeagatik edozer.
Era berean,
gero eta leku isil gutxiago ditugu :
bazter guztietan musika,
merkataritza mezuak, mugikorrak...
Isiltasuna gero eta zailagoa da.
Gaur goizean irratian
entzun dudanarekin bat eginez,
isiltasunean bizitzea aukera da,
baina isiltasuna gure bizitzan sartzea
derrigorrezkoa da.
Isiltasuna eskubidea da.
Hala al da?
Zer dago zarata guzti horren atzean?
Maite Arrate