Munduko emakumerik ederrenetarikoa
zarela diote askok.
Zure gorputz liraina erakutsiz
diru asko irabazi duzu.
Pertsona askoren
desio ezkutu
bihurtu zara.
Aldamenean bikote zoragarria daukazu.
Nahi bezala
bizi zarela dirudi.
Baina gaur aldizkari bati
eman diozun elkarrizketak
harrituta utzi nau.
Bertan lodi ikusten zarela diozu,
ispilura begiratutakoan negar
egiten duzula gaineratuz.
Berrogeita hamar kilo dituen emakume batek,
nola esan dezake lodi dagoela?
Uste dut hau esaten duenak,
bere gorputz ederraren
parte den buruan
arazo bat daukala,
ez nolanahiko arazoa!
Sekula konformatzen ez denaren arazoa,
ez da arazo makala!
Azkenean nik uste ez bezala
biziko da gainera.
Maite Arrate