Bakoitzak begiratzen duenaren arabera
Zuria ala beltza,
handia ala txikia,
gazia ala gozoa,
gutxi ala asko,
zabala ala estua,
larria ala jasangarria,
gogorra ala biguna,
garrantzitsua ala lelokeria,
barregarria ala negargarria,
polita ala itsusia,
zoragarria ala izugarria,
eskuzabala ala zekena,
atsegina ala ezatsegina,
aberatsa ala behartsua,
ona ala txarra,
zintzoa ala gaiztoa,
maitagarria ala jasangaitza,
dena ala ezer ez.
Dena,
guztia,
bakoitzak nondik
begiratzen duenaren
araberakoa da.
Bakoitzari
zer bizitzea
egokitu zaion,
haren arabera
ikusiko ditu
gauza guztiak.
Batentzat garrantzitsua dena,
bestearentzat lelokeria da.
Batentzat ona dena,
bestearentzat txarra da.
Bizitza desberdinak,
ikuspuntu desberdinak.
Bakoitzak bereak.
Denok desberdinak.
Aniztasuna.
Errespetatu beharreko
aniztasuna.
Maite Arrate