MAITE ARRATE: 4

Erabiltzailearen aurpegia Maite Arrate 2014ko urt. 27a, 10:49

Telebistari begira

Telebista piztu dut.

Bost minutura,

sekula amaitzen ez diren

iragarkien tartea hasi da.

Hauei so,

joera sexisten aurrean nagoela

iruditu zait.

 

Ez dakit

nire irudipen hutsa izan den,

izan liteke,

baina hain iragarki

baztertzaileak iruditu zaizkit!

Telebistak piztuta jarraitzen du,

baina nire buruan

pentsamenduen joan-etorria

etengabea da.

Iragarkiaren helburua

zerbaiten berri ematea dela

kontuan hartuz,

zergatik azaltzen dira

emakumeak erdi biluzik

freskagarri baten iragarkian?

Ez al da ba freskagarri baten iragarkia?

Iragarkia ahotsik gabe ikusiko banu,

beste zerbaiten iragarkia dela pentsatuko nuke,

sekula ez freskagarri batena.

Ados al zaudete

jendearen arreta lortzeko

biluztea bezalakorik ez dagoela

esaten dutenekin?

Hala dirudi ba!

Maite Arrate

 

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide