maxixatzen.eus

Azkoitiarron memoria historikoari muzin?

Erabiltzailearen aurpegia   Iritzia

Larunbatean Gernikan hildako gudari gipuzkoarren omenaldia izan zen Gipuzkoako Foru Aldundiak sustatuta. (Lotsa behar du hiltzaile frankisten oinordekoekin oheratu eta horrelako ekitaldiak egitea baina hori beste baterako utziko dugu). Bertan eskualdeko hainbat gudari hil zituzten frankistek, azkoitiarrak tartean. Aldundiak Udal Gobernuak gonbidatu zituen gudarien familiekin batera ekitaldia babestu eta gudariei errespetu eta aitortza eskaintzeko.

Azkoitiko Udaletik ordea kale egin zioten gudari, familia eta gure herriaren historiari. Alkatea ez zen joan, zergatik? Agenda arazoak agian? Eta alkateordea? Eta beste zinegotziak? 9 dira eta gure historia salduta utzi zuten, babesik gabe. Benetan tristea izan zen Gernikan egin (ez) zutena.

Guk, prentsa bidez jakin genuen ekitaldiaren berri beste behin ere egunean bertan. Udalak, Aldundiak bezala, ez zigun abisatu betiko moduan. Kasualitatez ordea, Getarian oposizioa (EAJ) gonbidatua izan zen. Kuriosoa datua bai.

Gai honetan asko dugu lantzeko oraindik ere eta hau ez dugu lortuko besteei bizkarra ematen badiogu eta herriaren historia dena alderdiaren historia bihurtu nahi badugu. Hori ez da bidea.

Erantzunak

Erantzuna | #1

Kaixo: Pozten naiz udaleko bateon batek, kontu hau ateratzeak. Behar bada
berandu xamar izengo da, baina bada garaia Azkoitian ere gure memoria
hurbileko kontu hoiei heltzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa