Calandako miraria

Erabiltzailearen aurpegia

Iñigo Aranbarriren aste honetako iritzi artikulua: 'Calandako miraria'.

Calandako mirariaren eguna da gaur, Miguel Pellicerrek zangoa berreskuratu zueneko hura.

Kontaerak dio bazela 1636an Terueleko Calanda herrian Miguel Pellicer zeritzon gazte bat, zeina halako batean Castellora joan zen osabarenera beharrera. Behin batean, gariz zamaturiko gurdi bati tiraka zebilela, nahi izan zuen halabeharrak gaztea behegainera erortzea, hain adur gaiztoz non gurpilak zapuztu zion eskuin zangoa. Hor daroa osabak Valentziara sendatzera, baina herriminez, Aragoira itzuli nahi duela mutilak. Bidean, Zaragozan egiten du kera. Zauria gaiztotua du ordurako, eta han moztu diote hanka belaunetik behera eta ospitaleko hilerrian ehortzi. Pilarreko amabirjinaren eliza atarian emango ditu hurrengo bi urteak, eskean. Gauetan, kaperetako kandelen argizariz igurzten du hankaondoa. 1640ko martxoan, etxerantz joko du. Hilak 29 dituela, gauerdi hirian, lo dagoen seme etxeratuaren ondora hurreratu delarik, ezustea amaren begietara etorri da: mutilak osorik du zango moztua. Eta lurperaturiko bera da, zaharraren zauriak ditu zango berriak.

Berria egunkarian argitaratutako iritzi artikulua. Irakurri osorik.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide