Kasualitatea deitzen den tirano horrek nahi izan du ateralditik astebetera agertzea hain justu Oliarten laku eta aintzira dontsuok euzko lur gainean, ez seguru asko 78an mokoka aritutako bi taldeek pentsatuta bezala. EAEko fracking-aren aurkako legea aldarazi du Espainiako Auzitegi Konsitituzionalak, lehenago Nafarrokoarekin egin zuen bezalaxe. Ezerezean gelditu da, beraz, berton hartutako debekua. Moncloarentzat alea.
Beste edozein izatera gaia, ez lirateke nolanahikoak protestak eta hortz-karraskak. Aho betean, autogobernuari egindako eraso onartezina salatuko litzateke; kapitalaren interes komunek baretu dute, ordea, eztabaida. Madril ez da opariegile txarra.
Aintziren txistea
2018ko ots. 5a, 09:57
Umorez ekarri zuen pasartea, Gernikako Estatutuaren tolesekin Moncloan nola ibili ziren oroituta, Rafael Arias Salgadok, bere garaian Suarezen, Calvo Soteloren eta Aznarren ministro izan zenak. Hor ari dira eztabaida gorrian, lorik egin gabe hiru egunez eta hiru gauez, bestaldeko negoziatzaileetako batek EAEko laku eta aintziren gaineko eskumenak eskatu dituenean. Alberto Oliartek egin omen zuen jauzi: «Han ez duzue horrelakorik eta!». Jeltzalearen erantzuna, antologikoa da: «Ez, baina sortzen bazaizkigu ere».
Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.
Izan zaitez Maxixatzeneko bazkide
Izan zaitez Maxixatzeneko bazkide