Horrexegatik behar ditu barre-makina honek bertikalitatearen ezaugarriak. Hasteko, boterea, jakina, eta honekin batera, nola ez, imajinario sendoak, bai egilearena bai zirtoa jasan behar duenarena.
Eta hor, hamaika ditugu adibideak: estatu matoiak batetik, klase sozialetan garbi egituratutako gizartea bestetik... Horra arkeriaren apostoluen zerua eta arraza garbienaren oinordekoen paradisua. Esan gabe esan dudala uste dut. Bertikala diodanean goitik beherakoa diot, txikia jan beharra duen handiarena umore hau, ahularen gantzez koipezten den makinarena. Nolabait esateko, «historiaren bermea» duen halako bullyng politiko-soziala da umore hegemonikoa, dagoenaren kontura puzten dena eta gauzak dauden-daudenean uztea duena amets.
BERRIAn argitaratutako iritzia. Jarraitu irakurtzen.