Begiaren aierua

Erabiltzailearen aurpegia   Iritzia

Orduan ere, tabernako borroka bat. Arotz gubia sartuta hil zuen Frantzisko Idiakezek Ziriako Gatxaga, xextran ari zirela. Getarian izan zen, 1932an. Ez zela aski gizon leporatu omen zion bezperan Idiakezek Gatxagari, zergatik eta oraintxe Batzokian ibiltzen zelako baxoerditan eta hurrengoan Zirkulu Errepublikanoan. Txaketero bat zela, alegia. Hurrengo egunean berriz topo egin zutenean okertu zen dena.

Klemperer gurean

Erabiltzailearen aurpegia   Iritzia

Garai batean, garbi irudikatu izan du hiztunak zer den tortura. Tortura polizia-etxeetan eragin ohi den oinazeztatze sadikoa da, Harkaitz Canok Twist nobelan, lehenago Mario Benedittik-eta egin bezala, torturatua mendean dutenen aldetik antzezpenetik asko duena. Edozein administraziorentzat salaketa itsusia izanik gorputz hebainduena, beharrezkotzat jo zen, baina, buru ematea. Eta halaxe egin zen. Nola?

Hagintarien hizkuntza eskakizunak

Erabiltzailearen aurpegia   Iritzia

Azer desastrea Espainia! Zer da, doan tokira doala, eta hautatzen den presidentea hautatuta, barregarrikeria etengabeko hau. Badoa Rajoy Bruselara eta Cameronekin ari dela, lasai ederrean: «it's very difficult todo esto».

Aberria

Erabiltzailearen aurpegia   Iritzia

Itzuli da egunokin, poetak zioen bezala, munduaren erdia ebanjelizatu zuen aberria, heretikoen mailua, Trentoko argia, Erromaren ezpata, San Inazioren sehaska... horra gure handitasuna eta gure batasuna, eta asaldatu egin ditu auzo-herriak arian-arian aski loditutako folkloreak. Izan ere, horra gangarra urratu beharrean estatu akonfesional bateko ministroak prozesioa paretik igarotzean, kantuz zer eta Millan Astray golpistak Arrifeko gerran jasotako kopla, Herioren senargaia naiz, egunotan hiru urteko haur batek, militar jantziz, milaka telefonotan milaka bider kantatu duen berbera.

Bizitza eta politika

Erabiltzailearen aurpegia   Iritzia

Iragan egun batez, ostatu batean, bi lagun ari ziren eztaba betean, biak ziren euskaldun zintzoak ustean, hala ere ezin adi elkarren artean, entzuten egona naiz umore tristean. Iraganeko gertaera batez ari ziren, ustez gauzak konpondu nahian. Solasaren harian, egin izan zituen akatsak zituen ahotan batak, egin izan zitzakeenak ere aitortu zizkion, ez zuen bere baitara bilduta bizi nahi; bestea ez zegoen baina, ezer ezagutzeko, lagunak buru gainera botatako harrietan zuen oinarritua diskurtsoa, ez zegoen ezer emateko, ez zuen ahul agertu nahi aurrean zuenaren aurrean.

Bihotz bi

Erabiltzailearen aurpegia   Iritzia

Aste bi pasatxo huts egin zuela batek Bilbon, San Mames aurrean. Kirola zikindu zuten istiluen artean, taupaka segitu ezin izan zuen bihotz akitu bat. Lekukoek esatera, gelditu zen unean inorekin ari ez zela. Bihotz guztiek bezala, jabea zuen: brigada mugikorreko ertzain bat. Eta nor guztiek bezala, izen bat, berehala zabaldu zena: Inocencio Alonso Garcia, 51 urtekoa, Ermukoa eta aita familiakoa.

Botila heldu da

Erabiltzailearen aurpegia   Iritzia

Ehun eta hogeita hamabi urte ondoren, heldu da botila. Australiako hondartza batean idoro dute, mezua zekarren barnean. Denbora hori guztia behar izan du Paula alemaniar itsasontzitik bota zenetik lehorreraino heltzeko. Urte asko da ehun eta hogeita hamabi, makina bat jende sortu eta hil da tarte horretan; minaldiak trumilka eta atzaparkada bete poz-ikara, baina azkenean, heldu da. Igorlearenak ez diren beste begi batzuek irakurri dute. Hori izan dugu asteko berri nagusia. Iritsi dela orain mende pasa bidalitako mezua. Ezin izan da gehiago gordean eduki, lau haizeetara zabaldu da berria. Amaitu da, itxura batera, zazpi ozeanoetako bakarraldia.

Irina

Erabiltzailearen aurpegia   Iritzia

Mugako jolas baten berri emanez hasten du Irina liburu bahitua Nacho Carreterok. Bazen behin gizon bat Galiziaren eta Portugalen artekoa egunero bizikletaz igarotzen zuena, zaku bete ikatz aldean. Miatzen zizkion mugazainak puskak, baina deus aurkitzen ez. Urteetan horrela, biek erretreta hartuta, halako batean galdetu dion arte zer arraio pasatzen zuen, jakinminak errea bizi izan dela. Irri gaiztoz heldu zaio erantzuna: «zakuan deus ez, ipurdipean eta zangoei eraginez pasatzen nuen pasatu beharrekoa».

Konpromisoa

Erabiltzailearen aurpegia   Iritzia

Dena doa ustelbidean memoriak gorde ezean. Horrexegatik, hau itzartzen delarik, beste neurri bat du guztiak, bizitakoa ez da hemerotekara kondenatzen, hitzak ez ditu haizeak eraman. Biharko egunak dakarkiguna atzoko izpiz dator.

Banksy Azpeitian

Erabiltzailearen aurpegia   Iritzia

Irudi bat horman, gauak utzia: lepotik lotutako ume bat. Inork sinatu gabe, begien ehiztari. Ez edonon, Azpeitian. Ez edonoiz, inauterietan, sokamuturrerako berotzen dabilela mundua. Nekez duzu herri zezenzalegoarik aurkituko Euskal Herri berdean. Ume bat, soka lepoan. Atoan ezabatu du beste esku anonimo batek.