Tripontzia Urteberriko Sariaren bultzatzaileak Gure Esku Dago eta Euskararen Gizarte Erakundeen Kontseilua erakundeak dira, eta bi elkarte horiek finantzatzen laguntzea du helburu zozketak. Hala, erabakitzeko eskubidearen aldeko ekimenak eta Euskal Herrian euskararen normalizazioa bideratu eta bizkortzeko egitasmoak laguntzera bideratuko da bildutako dirua.