Gaia: Justizia?
Doinua: Trumoia ortzi beltzean hoska
Barra ertzeko bi begiratu
bihurtu dira betiko datu
eta jolasa jolas betiko
nahiz geroago ukatu (bis)
hankatartean zakilak sartu,
miazkatzera behartu,
ahoa ondo tapatu,
halere, lasai, une horretan
bera ez baitzen kejatu. (bis)
"Ez da froga bat, da iritzia
dena gezurra ta malizia,
nolatan egin ote dezake
hain normal bere bizia?" (bis)
Alperrik dira grabaketak ta
alperrik da polizia,
ez al da denon krisia
eskubideak bortxatzeko gai
baldin bada justizia? (bis)