10:30ean hasi ziren lehenengo pilota partidak. Bikotea ezinhobeto hasi zen, lehenengo bi partidetan erraz irabazita. Modu honetan arratsaldean jokatuko ziren final laurdenetara zuzenean sailkatu ziren eta 12-6 irabazi ostean, finalerdietara sailkatu ziren. Partida hori irabazita, finalean zen bikotea.
Finalari ekin zieten eta lehen 10 tantoetan partida parekatuta egon zen arren, aurkariek 9-5 aurreratzea lortu zuten. Halere, azkoitiarrarekin osatutako bikotea gai izan zen 9-9 jartzeko eta hortik, 15-10 nagusitzeko. Emakume pilotariak izan ziren protagonista igandean, Mutrikun. Guztira herri desberdinetako 26 emakumek hartu zuten parte eta giro aparta izan zen pilotalekuan.