Bizkargi dantza eskolako Itziar Bastida eta Anaitz Lizartza dantzariek Guillermo Areizaga saria eskuratu zuten zapatuan Seguran (Gipuzkoa) jokatu zen 43. Euskal Herriko Dantza Txapelketan. Txapelketan lehen aldiz parte hartu dutenen artean bikote onenari banatzen dioten saria da Bastidak eta Lizartzak lortutakoa.
Bergarako (Gipuzkoa) Saioa Galarragak eta Julen Murgiondok irabazi dute aurtengo txapelketa, eta orotara, hamalau bikotek parte hartu zuten Euskal Herriko Dantza Txapelketan.