Bizilore

Pedagogia sistemikoaz zenbait pintzelada

2017/09/30 - 2017/10/01

Pedagogia Sistemikoaren oinarrizko kontzeptuak ezagutuko ditugu eta ariketa praktikoen bidez begirada sistemikoak ikasgelan bertan (baita gure familian, lantokian, lagun artean...) zer nolako aukerak eskaintzen dizkigun bizitzeko aukera izango dugu. Familia eta eskola komunitatearen arteko elkarlana izango dugu abiapuntu, eta ibilbide bat egingo dugu harremanetan dauden sistema ezberdinetan diharduten hurrenkera sistemikoak (Bert Hellinger) ezagutzetik eta gure egunerokoan, dagokigun arduratik, ikasleen zaintza eta garapena ziurtatzen dituen jardunean sakontzeraino.

LANDUKO DIREN GAIAK

Pedagogia Sistemikoaren oinarriak eta praxia ezagutzea. Sistemak eta berauen arteko elkarlana finkatzea: familia eta eskola. Norbere jatorri sistemikoaz ohartzea. Bert Hellingerren hurrenkera sistemikoak ezagutzea. Ikasleen eta hezkuntza komunitatearen aniztasuna, jatorria eta testuingurua onartzea eta begirada sistemikoa garatzea. ? Hezkuntzako profesional gisa ditugun muga eta funtzioez ohartzea. Autoritatearen kontzeptua garatzea: arduratik eta ikasleen zaintza eta garapena ziurtatzetik.

METODOLOGIA

Edukiak garatzeko azalpenak modu teorikoan eta batez ere teoriaren garapenerako, proposatuko diren praktikak eta bizipenak izango dira ardatza. Ariketa konkretuak banaka, talde txikitan eta talde osoan egingo ditugu.

NORI ZUZENDUA

Hezkuntza komunitatean diharduen profesionalari, ikasleekin eta haur zein gazteekin harremanetan dagoenari, gurasoei eta ikuspegi sistemikoan interesa duen pertsona orori.

INFORMAZIO PRAKTIKOA

• Data: irailak 30 – urriak 1 • Iraupena: 12 h. • Ordutegia: 10:00-14:00 · 15:30-19:30 (larunbata) / 10:00-14:00 (igandea) • Prezioa: 80 € • Izen-ematea eta ordainketa: - Izen-ematea bete webgunean: http://bizilore.eus/ - Ikastaroaren ordainketa kontu korronte honetan egin: Hazitik Kooperatiba Integrala Koop. Elk. Laboral kutxa: ES26 3035 0031 72 0310056052 - Kontzeptua: Izen-Abizenak-Pedagogia sistemikoa • Izen-emateko epea: irailak 22 • Plaza mugatuak • Hizkuntza: euskara • Informazio gehiagorako: formazioa@bizilore.eus

Lurrarekiko maitasunean hazi Pedagogia berde bizipenak

2017/10/18 - 2017/10/20

Ikerketa ugarik erakusten dute haurtzarotik naturarekiko lotura sendoa lantzen dutenak osasuntsuago daudela eta lagunkoiagoak, lasaiagoak, sortzaileagoak, resilenteagoak, eta azken batean, zoriontsuagoak direla. Distantzia fisikoan, ez-ezagutzan eta beldurrean oinarritzen den kontzientzia eta naturaren arteko disoziazioak, ondoeza, segurtasun eza edota larritasuna eragiten ditu, eta azken muturrean min eta nahaste ugariren arduraduna da. Familiak eta hezitzaileak umeak gizartean eta kulturan egoki txertatzeko ahalegina egiten dugu, baina: Zer egiten dugu lurrarekiko eta bertan bizi diren izakiekiko maitasuna sendotzeko? Nola laguntzen ditugu umeak benetako inguru bizietan? Nola eraikitzen ditugu lotura sakona lagunduko duten espazio eta proposamenak? Nola txertatzen ditugu elkarbizitzan eta eguneroko hezkuntza jardunean lotura hori errespetatu eta sendotzen duten denborak, ekintzak eta “materialak”? Nola eraldatzen ditugu bio-zentrikoak izan daitezen eskolak, erakundeak eta herriak? Elkarbizitza-egonaldi honetan bizitzan oinarritzen den pedagogia baten oinarriak eta erreminta nagusiak marraztuko dira. Ber-konexio pertsonalerako aparteko esperientzia eskainiko du, beste pertsonak bide-laguntzeko. Egonaldiaren zati nagusiena kanpoaldean izango da. Nori zuzendua: hezitzaile, guraso, haurtzaro, hezkuntza, psikologia, medikuntza, arkitektura, ekologia, pedagogia eta ingurugiro zientzietako profesionalei. DATAK: urriaren 20tik, ostirala (17:00etatik) · urriaren 22ra, igandea (16:00etara) IRAUPENA: asteburu bateko egonaldia TOKIA: Abaraxka aterpetxea, Azkoitia (Gipuzkoa) PREZIOA (Egonaldia eta formazioa barne hartzen ditu): - 190 euro (irailaren 15a bitarte) - 220 euro (data horretatik ikastaroa hasi bitarte) IZEN-EMATEA ETA ORDAINKETA: http://bizilore.eus/ PLAZA MUGATUAK HIZKUNTZA: Gaztelania INFORMAZIO GEHIAGORAKO: - Formazioaren inguruan: secretariaheikefreire@gmail.com - Aterpetxe eta alojamenduaren inguruan: info@abaraxka.eus Heike Freire eta Bizilorek elkarlanean antolatua

Etxean erditzea, beste aukera bat

2017/01/25 18:00

Etxean erditzea, beste aukera bat hitzaldia antolatu du Bizilore eskola aktiboak. Hitzaldia etxeko erditzeaz gehiago jakin nahi duten guztiei zuzenduta dago. Magaleko emaginek gidatuko dute, eta doan izango da. Urtarrilaren 25ean izango da, 18:00etan, Bizilore eskolan. Aurrez izena eman behar da infor@magale.eus helbidera mezua bidalita. 

Nola aukeratu jostailu aproposa

2015/12/15 18:00

Abendurako ere prestatu dugu hitzaldia. Gabonetan gure haurrei opariak erosterakoan zalantza pila izan ohi ditugu. Hitzaldi honek egokiena, aproposena aukeratzen laguntzea espero dugu.  Denok gonbidatuta zaudete.

Haurrentzako eraikuntza tailerra

2015/11/29 11:00

Haurrentzako eraikuntza tailerra eraikiko du Bizilorek Kontzejupean azaroaren 29an, 11:00etan. Materiala bertan izango dute haurrek, eta sarrera doan izango da. 

Hezkuntza sortzailearen baldintzak eta adierazpenaren mekanismoak hitzaldia

2015/05/29 18:00

Sortzea, ikertzea eta jolastea, pertsonen ekintzen adierazpena da. Sortzeko gaitasuna berezkoa da pertsonarengan. Ezin da eman edo kanpotik irakatsi. Eduki egiten da. Pertsona orok daukagu. Pertsonen izaerarekin bat datorren baldintzetan posible da gaitasun hau osorik agertzea. Hizlaria: Miguel Castro (Hezkuntza sortzailean aditua, pintura, buztina, mugimendua... Arno Sternen teorien eta lanaren jarraitzailea eta formatzailea Diraya zentroan, Kantabriako unibertsitateko irakaslea) Hitzaldia gaztelaniaz izango da eta sarrera doan.